jo na kaha gaya

mann mai ek khalipan rehta hai,

bharne ki koshish mat karna,

is khalipan mai ek sukh hai,

darr nahi hai,door tak dikhta hai,

dard ko saaf dikhai deta hai,

kisse batogi aur kyon batogi?

ek yehi to apna hai,

chod jane ki taklif nahi hai,

kuch pane ki ummid nahi hai,

ajkal hum ek doosre ko pehchante hai,

apas mai ghul-mil kar samye ko,

beet jane ki raah dikhate hai,

wo mujhe janta hai mai usko,

par pehchante nahi hai,

yehin ruk jane ko manate hai,

dhop,chanv,andhera,ujale,

har rang mai bheegi hui palko ko,

har wqt sukha hua dikhate hai,

mujhe pata hai,mere bheetar jo,

khalipan hai ye tum ho,

bahut se shabd hai jo kahe nahi,

par mai janti hun tumne gun liye hai,

sunepan ne unko chupke se apne mai,

samet kar sine mai chipa liya hai.....................

KUCH PALO KA HISAB

na jane kitni baar samjhaya,

tu sirf ek akela hai,

par usne hamari ek bhi na suni,

hum har aine mai uski ek,

jhalak talashte rahe,

aur wo hamare piche khadi,

parchahiyon ko ginte-ginte,

palo ko hatho se chine jate,

dekhta raha,

uski in bato ne palo ko chota,

kar diya,

dino ko raat ke andhere sa aur,

jivan ko parchaiyon ke jamghat,

mai kho jane diya,

parchaiyan hath nahi aati,

andhera darata raha,

der tak sochte rahe,

ek sire ko usko thama-kar,

doosre sire ko in parchaiyon se,

jod de,

kuch uska bhi dil bahal jayega,

kuch hamare andhere bhi sanvar,

jayengey,

par ek-adh koshish kaam nahi ai,

ab us khuda ko saunp diya hai,

dekho wo bin jaan ke kinaro ko,

kese mila deta hai...............................................